BUTUAN CITY – Dili proud nga magrali ang mga supporters ni US President Donald Trump batuk sa gipasi-atab niining gilimbungan siya sa milabay nga presidential elections.

Kini ang panglantaw ni Ferdinand Nakila, lumad nga taga-Cabadbaran City ug 15 ka tuig nang nagtudlo sa California, USA – ang estado diin midaug si presumptive President Joe Biden.

-- Advertising --

Sa eksklusibong pakighinabi sa Bombo Radyo Butuan, gibutyag ni Nakila nga malipayon ang ilang estado sa kada-ugan sa Democratic challenger ilabina nga daan nang blue state ang California ug wala’y tsansang mudaog ang Republican president nga si Trump.

Gani, ang kada-ugan ni Biden gisa-ulog na sa taga-California niadtong Sabado ug Dominggo rason nga nag-sink na sa tanan ang kada-ugan ni Biden.

Hinuon sa ubang mga estado diin gipasi-atab ni Trump nga dapat siya ang midaug, duna’y paglihok sa iyang mga supporters apan nahuna-hunaan na sa mga niini ang ka-ulaw human nga inanay nang gibasura sa mga korte ang ilang mga gipasakang kaso tungod sa kawala’y klarong ebidensya.

Dugang pa ni Nakila, ang eleksyon ning tuiga dili away tali sa mga Republicans o kaha mga Democrats kondili away tali sa pagbalik na sa kadesente sa Amerika nga nawala tungod sa taras ni Trump nga naghatag og kadismaya sa kadaghanan.

Kadaghanan sa mga AMerikano napuno na sa mga pasakit nga hatud ni Trump nga bisan ang iyangmga kapartidong Republicans nasakit usab.