BUTUAN CITY  – Aminado ang Philippine Red Cross – Butuan City/Agusan del Norte Chapter nga nagkulang sila karon og supply sa dugo kansa maoy nag-unang  hinungdan nga wala sila’y mahatag niadtong muduol kanila aron unta i-abuno sa mga pasyenteng magkinahanglan niini.

 

Sa eksklusibong pakighinabi sa Bombo Radyo Butuan, gibutyag ni Alger Boter – ang OIC-chapter administrator sa maong organisasyon, nagsugod ang maong problema niadto pang Disyembre ning mi-aging tuig 2018 kansa gi-ila na nilang lean month og nadugangan pa sa daghang mga kaso sa dengue nga natala kondiin ang mga pasyente, nagkinahanglan og dugo.

 

Alayon niini, nanawagan ang opisyal niadtong adunay kasibot nga magdonar na sa ilang dugo.

-- ADVERTISEMENT --

 

Awhag pa sa opisyal nga ang dugang ihap sa mga volunteer blood donors makatabang sa pagsanong sa maong kakulangon ilabina kung sila duna’y maayong panglawas, wala’ y gihambin nga balatian og mitimbang sa 50 kilos pataas. (Beth Ruiz)