BUTUAN CITY – Gibana-banang mukabat sa 200-mil pesos ang damyos sa natigayong sunog kagabii sa Purok 2, Sintos sakop sa Brgy. Villa Kananga ning siyudad sa Butuan.

Sa eksklusibong sa Bombo Radyo Butuan, gibutyag ni FO2 Jason Tabada sa Bureau of Fire Protection kon BFP-Butuan, nga nagsugod sa room 2 sa storage building nga gipanag-iyahan Ma. Imelda Callao, ang kalayo samtang gisuta pa ang hinungdan sa pag-ulbo niini.

-- Advertising --

Ilang nadawat ang fire call pasado alas-7:50 gabii ug usa ka oras nilang gikumbatihan adiser na-fire out paglabay sa usa ka oras.

Daghan matud pa og mga plastics sa maong bodega tungod kay dinhi gipamutang ang mga makaon sama sa candy nga ipang-display sa Langihan.