BUTUAN CITY- Gitaho sa Department of Health-Caraga nga muabot sa kapin 100,00 ka mga indibidwal ang nabakunahan sa Caraga Region sa unang adlaw sa Bayanihan Bakunahan National Vaccination Drive.

Sumala sa DOH-Caraga kinatibuk-ang 102,341 ka mga tao kon 27.73% ang nabakunahan sa Caraga region sa unang adlaw sa National Vaccination Drive.

Migawas sa report sa regional health department nga sa lima ka probinsya pinakadaghan ang nabakuhanan sa Agusan del Sur nga miabot sa 25,156, gisundan sa Surigao Del Sur nga adunay 19,775 ug ikatulo ang Surigao Del Norte nga adunay 10,660.

Sa unom usab niining syudad, nanguna ang Butuan City sa pinakataas nga ihap sa mga nabakunan nga miabot sa 10,906 katao.

PHOTO: DoH Caraga

Sa nasangpit nga ihap, 8,811 ang nahatagan og 1st dose samtang ang uban second dose. Ikaduha sa adunay taas nga nakuhang ihap sa nabakunahan ang Bayugan City sa 5,829, ikatulo ang Surigao City sa 5,209, gisundan sa Bislig City 5,195, Tandag City 2,425, ug ika-unom ang Cabadbaran City 2,316.

-- ADVERTISEMENT --

Gilauman usab nga taas ang ihap sa mga nabakunahan sa ikaduhang adlaw sa Bayanihan Bakunahan kagahapong adlawa tungod kay holiday kini og walay trabaharo ug naobserbahan nga dagsa ang tao sa mga vaccination sites.

Photo: DoH Caraga

Karong adlawa ang ikatulo ug katapusang adlaw sa Bayanihan Bakunahan.