BUTUAN CITY – Human ang kapin duha ka tuig nga pakigbisog sa iyang gidusong disqualification case batuk sa iyang ka-atbang alang sa Sangguniang Kabataan kon SK chairperson, hingpit nang nakapanumpa sa iyang gikahinamang katungdanan kaganinang buntag si Sancy Joy Cabaraban pagpanguna sa ilang barangay Kapitan Fidel Ceniza.

Sa eksklusibong pakighinabi sa Bombo Radyo Butuan, gibutyag  sa bag-ong lingkod nga opisyal nga ang iya karong pagkupot na sa maong katungdanan, subay na gi-isyu kaniyang final and executory resolution sa Commission on Election kon COMELEC en banc kansa nag-disqualify sa iyang ka-atbang kinsa maoy nagsilbing chairman sa mga tuig nga wala siya makalingkod, base na usab sa iyang gidusong disqualification case.

-- Advertising --

Alayon niini, prayuridad niya ang paghimo sa tanan niyang kayang himuon aron marepresentahan ang kabatan-unan sa ilang barangay sa ingon madungog ang ilang mga tingog.

Tutukan matud pa niya ang mga long-term projects nga magamit pa sa mga musunod nga henerasyon sa kabatan-unan uban sa pag-abag sa pili-on unya niyang mamahimong ka-abag sa iyang pagserbisyo sa kabatan-unan sa ilang barangay.