BUTUAN CITY – Gisugdan na sa Russia ang ilang Covid-19 vaccination programme, uban sa mga clinics sa capital Moscow nga unang mitupo sa mga makonsiderang duna’y dakong risgo nga mataptan sa makamatay nga virus. 

Ang ilang kaugalingong bakuna nga Sputnik V, kansa narehistro niadtong Agusto, mao ang ilang gigamit. Sigon sa mga developers, 95-porsiento kining epektibo ug wlaa’y mga dagkong side effects, apan padayon gihapon kining gipa-ilalom sa mass testing. 

Libuang mga tawo na ang nakarehistro aron maka-una sa duha ka tupukan karon nga weekend apan wala pa’y klaro kung pila gyod ang ma-manufacture sa Russia. 

Ang mga producers gila-umang makahimo lamang og 2-milyunes nga doses sa bakuna pagtapos ning tuiga.

Sigon ni Moscow Mayor Sergei Sobyanin, gihanyag kini ngadto sa mga tawo sa ilang siyudad nga duna’y 13-milyunes ka mga nagtrabaho sa mga tunghaan ug sa health service apil na ang mga social workers. 

-- ADVERTISEMENT --

Gila-umang madugangan paang mang listahan higayong duna pa’y dugang available nga bakuna. Usa ka online registration service ang nagtugot sa mga residente sa edad nga 18 hangtud 60-anyos tnga magpa-book alang sa libreng appointments ngadto sa 70 ka mga sites palibot sa maong siyudad k,ansa mag-operate gikanb sa alas-otso sa buntag ngadto na sa alas-otso sa gabii.

Wala’y labot sa bakuna ang mga tawong na-injection-nan sa nakalabay’ng 30 ka mga adlaw ug kadtong duna’y respiratory diseases sa nakalabay’ng duha ka mga semana apil na usab kadtong duna’y mga chronic illnesses, mg mabdos ukg nagpasuso nga mga inahan. Ang matag-tawo, makadawat og duha ka injections kondiin ang ikaduha itupok 21 ka adlaw human ang unang injection.