BUTUAN CITY – Nagkinahanglan og dakong pundo ang pag-ayo sa nabangag nga parte sa Maharlika Highway sa may Purok 8, Brgy. De Oro ning siyudad kagahapon adiser kini luwas nga magamit sa mga motorista.

Sa eksklusibong pakighinabi sa Bombo Radyo Butuan, gibutyag ni Engr. Reynaldo Canlas, engineer 3 ug hepe sa Maintenance Section sa DPWH Butuan City district Engineering’ Office, nga nahitabo kini tungod sa tubig nga midagayday kilid sa ilang box culvert, hangtud nga inanay nang nakankan ang yuta tungod sa gibarugan sa tulay hangtud nga midako ug naka-apekto na sa parte sa dalan.

-- Advertising --

Dakong pundo matod pa ang  gikinahanglan alang sa pag-repair niini rason nga ang ila karong gihimo mao ang pagduso og dinali-ang request alang sa restoration niini sa ingon mapunduhan gilayon kini sa labing daling panahon.

Sa pagkakaron aron masigurong luwas ang mga motorista ug mga galabay nga sakyanan sa lugar, gikordon ug gibutangan og mga warning signs ang unahangbahin adiser pa muabot sa lugar diin nahimutang ang bangag sa kalsada.

Duna usay mga taga DPWH nga nagbantay 24hrs sa lugar.