BUTUAN CITY – Aminado si Surigao del Sur Rep. Johnny Pimentel nga pit-os na ang panahon sa iyang pag-file sa House Bill No. 7072 nga pag-uktaba sa barangay ug Sangguniang Kabataan kon SK elections sa umaabot nga Mayo 14.

Sumala pa ni Pimentel sa eksklusibong pakighinabi ning sibyahan, walay kaseguruhan ang maong balaodnon tungod kay daghan pa kini og agi-ang proseso og kung mu-abante man ngadto sa plenaryo, ang majority na gihapon sa mga magbabalaud maoy masunod ilabina kadtong gusto nga ipahigayon na ang eleksyon.

Gidugang niini nga iya lang giduso ang maong sugyot sa pangindahay nga magkinahanglan pa niini ang tag-as nga opisyal ilabina si Pangulong Rodrigo Duterte.
Pamugos sa kongresista nga mas maayong hulatan na lang nga matapos ang mga lakang nga gihimo alang sa gihingusgang pederalismo aron ma-usa nalang ang pagpahigayon sa plebesito.

Tungod niini, gi-awhag ni Pimentel ang tanang mokandidatu sa umalabot sa Barangay ug SK elections nga mangandam na sa hayag nga pagpahigayon sa piliay. (Rolan Janea)