BUTUAN CITY – Ipinalisar pa ning semanaha sa lokal nga kagamhanan sa Butuan ang kantidad nga igahin alang sa pagpalit unya og COVID-19 vaccine alang sa katawhan ning siyudad.

Sa eksklusibong pakighinabi sa Bombo Radyo Butuan, gipadayag ni Butuan City local government spokesperson Michiko de Jesus nga sukad pa ning mi-aging tuig, naplano na ang mayor pagkuha og bakuna rason nga nagdula tali sa 50 ngadto sa 60-milyunes pesos ang pundong gitagana alang niini ilabina nga apil ang Butuan sa mga priority areas sa nasud nga unahon pag-supply sa nasangpit nga bakuna.

-- Advertising --
Photo: CTTO

Lima matud pa ka mga pharmaceutical companies ang gitun-an karon sa LGU nga himuong source sa supply apan prayuridad niini ang mga bakunang gikan sa AztraZeneca, Pfizer ug Moderna nga naila nang wala kaayo’y adverse effects ug makaya pa sa bulsa ang presyo.

Photo: CTTO

Target sa LGUS nga mabakunahan ang mga priority groups sama sa mga front line health workers sa mga pribado ug pampublikong health facilities, mga field workers, contact tracers, mga barangay health workers, mga indingent senior citizens ug indigent nga katawhan.

Samtang sa pag-purchase usab og bakuna sa mga pribadong kompanya ning siyudad, kinahanglang makig-alayon sila sa lokal ga kagamhanan aron apil ang maong mga kompanya sa orderan sa LGU og bakuna.

Sa pagkakaron, duna nay initial reservation alang sa kuhaong bakuna nga daan nang giplanuhan sukad pa ning mi-aging tuig aron lang masigurong apil ang Butuan sa makakuha sa maong bakuna.

Ingon niini usab ang gihimo sa Butuan niadtong nag-purchase og mga COVID-19 test kits.