BUTUAN CITY- Nagtinabangay karun ang tanang opisyal sa gobyerno sa pagbantay sa mga areas ning syudad human nabahaan ang pipila ka barangay kagahapon tungod sa halos usa ka adlaw nga pag-ulan.

Sa eksklusibong pakighinabi ning sibyahan kang Michiko de Jesus, tigpamaba sa LGU-Butuan, gibutyag niini nga padayong gi-monitor ang mga areas nga prone sa pagbaha ingun man ang pagdahili sa yuta.

As of alas-sais kagabii, ubay -ubay na nga mga pamilya ang nahikling human nakasinati og pagbaha ilabina sa Brgy Libertad samtang sa Brgy. Bancasi dunay 84 ka mga pamilya ang gihikling.

Lakip sa mga hinungdan sa pagbaha mao ang pagdagayday sa tubig gikan sa kabukiran kansa karon pa lang nasinatian sa maong mga lugar.

Samtang  naka alerto na usab ang katawhan nga nagpuyo duol sa Agusan river aron makalihok gilayon ugaling musaka ang level sa tubig dungan usab sa pagpangandam sa mga opisyal alang sa himuon unyang pre-emptive evacuation.

-- ADVERTISEMENT --

Andam na usab ang Butuan City Social Welfare & Development kon CSWD alang sa ipanghatag nga mga ayuda ug sa ubang mga panginahanglanon ngadto sa mga mihikling nga mga residente.

Naka-standby na usab ang City Health Office ugaling duna’y mga residenteng manginahanglan og medikasyon.

Padayon usab nga gipahinumduman ang mga opisyal sa matag evacuation center nga siguraduhong masunod gihapon sa health protocols taliwala nga dili malikayan ang mga panagtapok