BUTUAN CITY-Pa-imbesitagahan ni City Councilor Ferdinand Nalcot ang mga sakay ug driver sa usa ka pick up nga iya sa City government nga nahulog sa kanal diha sa may Durano kagahapong adlawa.

Sumala kang City Councilor Nalcot sa pakighinabi sa Bombo Radyo Butuan iyang ipatawag ang mga nalambigit sa maong insidente ug gipasalig nga mapatuman ang tukmang lakang kung mapatud-an ang akusasyon nga gigamit ang sakyanan sa gobyerno sa dili opisyal nga lakaw labi nga adlaw usab kini nga Sabado kansa walay opisina sa gobyerno.

Sigon sa konsehal siya mismo ang mangusog nga ma-askyunan kini  higayong adunay nahimong kalapasan ang mga sakay sa maong pick-up nga gituohang naka-inom.

Nasayran nga lima ka mga tao ang sakay sa maong sakyanan lakip na ang driver nailang si Jhunrey Balaba. Dugang sa konsehal dili maayo nga i-tolerate ang maong buhat labi na usab kay  iya kini sa gobyerno nga gamiton lamang sa mga opisyal nga lakaw.

Sa saysay usab sa mga tao nga duol sa panghitabo nga  dihang giduol sa mga pulis ang sakyanan iyahay matod pa  panibat ang mga sakay diin adunay nakita nga bit-bit nga bihag sa manok ug gikaingong naka-inom og ilimnong makahubog.

-- ADVERTISEMENT --