BUTUAN CITY – Mahidangat ugma sa buntag sa may Bancasi Airport gikan sa kauluhan ang patay’ng lawas ni anhing Agusan del Sur Governor Valentina Galedo-Plaza.

Kini ang gikumpirma sa iyang anak nga si 2nd District Congressman Eddie Bong Plaza sa eksklusibong pakighinabi sa Bombo Radyo Butuan dungan sa pagbutyag dalhon ngadto sa Agusan del Sur ang patay’ng lawas alang sa himuong public viewing sa Miyerkules ug Huwebes nga himuon sa Kapitolyo adiser sa iyang pinuy-anan sa may Brgy. Baan Km. 3 ning siyudad sa Butuan.

Gipadayag ni Congressman Eddie Bong Plaza nga lima ka tuig nang nakigbatuk sa iyang gihambing lung cancer ang iyang inahan kansa na-complicate na hangtud nga wala na niini makaya pa.

Sabutan pa usab sa ilang pamilya ang sunod nga mga himuon apan ang sigurado, didto kini ilubong sa Brgy. Bancasi tupad sa lubong sa iyang amahan ug manghod.

Gidugang ni Congressman Eddie Bong nga siya ang nagpadayon pagpatuman sa damgo sa iyang mga ginikanan.

-- ADVERTISEMENT --

Gibutyag niining  ang iyang amahang si anhing Congressman Democrito Plaza naila sa iyang pagpanerbisyo isip architect samtang ang iyang inahan maoy na-ilang builder.

Aminado siyang nahimo na niya ang damgo sa iyang mga ginikanan apan kini kulang pa ug iya pang ipadayon.