BUTUAN CITY – Mahidangat karong adlawa ang patay’ng lawas ni 1st Lt. Mike Tuesday Tabigne. kinsa usa sa upat ka mga namatay sa pagkahagsa sa Huey Helicopter sa Tactical Operations Group 2 kon TOG sa Philippine Airforce didto sa Cauayan City.

Sa eksklusibong pagkighinabi sa Bombo Radyo Butuan, gipadayag ni Susana Tabigne, inahan sa biktima, residente sa Purok 9, Brgy. Los Angeles ning siyudad sa Butuan, gikasubo nila og maayo ang nadangatan sa ilang anak kinsa kanunay lang naghuna-huna kanila.

-- Advertising --

Sigon ni Susana grabe ka positibo ang panglantaw sa kinabuhi sa iyang anak nga mahimong piloto kondiin wala nahimong babag ang kalisod sa ilang kinabuhi, makahuman lang og makab-ot ang iyang tingugang mahimong piloto.

Nasayrang usa ka lisensyadong mgtutudlo si Mike kinsa mikuha gilayon og Officer’s Candidate Soldier kon OCS ng natapos niya sulod sa usa ka tuig ug tunga og mipadayon pagtungha pagka-piloto sa Lipa City sa Batangas.

Katapusan nilang pagkita ang lang anak niadto pang Disyembre ning miaging tuig dihang mipa-uli kini.

Dugang pa ni Nanay Susan daghan pa og pangandoy sa kinabuhi ang mitaliwang anak kins hing[it paghigugma niini ngadto kanila tungod kay wala’y laing pangandoy niini, kondili maharuhay lang ang ilang kinabuhi.

Gipalitan pa ni Mike og multicab ang iyang amahan isip regalo sa iyang adlaw’ng natawhan ug plano pa usab unta niining mopalit og yuta aron adunay silay kalingawan ang amahan niining usa kamananggiti.

Madumdumang, magpatuman unta og night vision proficiency training ang mga membro sa TOG 2 sa Philippine Airforce dihang natigayon ang insidente nga miresulta sa pagkamatay sa upat nga ka mga sakay niini ug usa ang grabehang na-angol