BUTUAN CITY – Nakatala og usa ka bag-ong patay kagahapong adlawa ang Department of Health-Center for Health and Development kon DOH-CHD-Caraga tungod s COVID-19, base sa virtual presser nila kaganina.

Kini mao ang usa ka 53-anyos nga lalaking taga-Butuan kinsa wala’y comorbidity apan gihilantan, gi-ubo og naglisod pagginhawa niadtong Nobyembre ug gi-admit pagka-Disyembre 1 apan tungod sa mga komplikasyon namatay siya kagahapong adlawa.

-- Advertising --

Gawas sa usa ka patay, nakatala usab og 16 ka mga bag-ong kaso sa ang rehiyon kondiin 9 niini ang mga babaye samtang 7 ang mga lalaki ug 56-porsiento ang anaa sa age bracket nga 21 hangtud 50-anyos.

Sa mga bag-ong kaso, 7 niini ang taga-Agusan del Sur nga natala sa mga lungsod sa San Luis -4; ug tag-usa na sa mga lungsod sa Prosperidad, San Francisco ug Veruela samtang duha sa Surigao del Norte nga natala sa mga lungsod sa General Luna ug Sison.

Mitala usab og 2 ka mga kaso ang Brgy. Washington sa Surigao City, usa sa lungsod sa Basilisa sa Dinagat Islands province usa sa Marilhatag, Surigao del Sur samtang 3 ka mga kaso ang natala ning siyudad sa Butuan nga na-apod sa tag-usa sa Brgy. Lemon, Taligaman ug Villa Kananga.

Sa pagkakaron, ang Caraga region nakatala na og 4,175 ka cumulative COVIFD-19 confirmed cases, 433 ang mga aktibong kaso samtang 3,552 ang mga nakarekober ug 190 na ang kinatibuk-ang patay.