BUTUAN CITY- Nasikop sa mga operatiba sa kapulisan ning syudad ug personahe sa kasundaluhan ang usa ka paralegal member sa Communist Terrorist Group kaganina sa mismong checkpoint ning syudad.

Naila ang suspetsado nga si Elaiza Rose Pangilinan, alyas “Elay”, 28 anyos kansa gibandera sa mga operatiba sa Butuan City Police Office Intelligence Unit, Butuan City Police Station 4, Butuan City Mobile Force Company, ug Philippine Army nga nagpahigayon og checkpoint sa Purok 7, Barangay Ampayon, Butuan City.

-- Advertising --

Naila usab ang suspek nga usa ka political instructor sa Sentro de Grabidad (SDG16),Edukasyon Propaganda staff sa NPA’s Sub-Regional Committee (SRC16),North Eastern Mindanao Regional Committee (NEMRC), ug Paralegal sa Karapatan Caraga kansa dunay nagbarog nga Warrants of Arrest sa crime of Kidnapping ingon man Serious Illegal Detention, Murder ug Attempted Murder.

Sumala sa report, si Pangilinan lakip sa mga giakusahang nangidnap ug iligal nga nakadetine og usa ka sibilyan sa bukirang bahin sa Sibagat, Agusan del Sur kaniadtong Disyembre 2018.

Sa kasamtangan, nagpadayon pa ang dugang imbestigasyon aron sayron kung nalakip ba si Pangilinan sa ubang mga dautang krimen nga gihimo sa mga teroristang grupo.