BUTUAN CITY- Sugdan ang pagpanghatag og booster shots alang sa mga front line health care workers sa syudad sa Butuan sunod semana.


Sumala kang City Councilor Cherry Mae Busa ang Chairperson sa Committee on Health sa Sagguniang Panglungsod sa pakighinabi ning sibyahan, andam na ang mga personahe sa City Health Office ug Department of Health Caraga alang sa pagpahigayon og booster shots alang sa mga health care workers ning syudad.


Sigon ni konsehal Busa posibleng sunod semana masugdan na ang paghatag niini alang sa maong priority groups.


Kini subay na usab sa anunsyo sa Department of Health (DOH) nga mamahimongng magpatupok og COVID-19 booster shots ang mga fully vaccinated healthcare workers diin ang ubang lugar sa nasud nakasugod na adtong nakalabay nga semana.


Sa advisory sa DOH ang mga health workers mamahimong mugamit og Moderna, Pfizer ug Sinovac.
Madumdumang nga naggahin ang DOH og P45 bilyones nga pondo alang sa COVID-19 boosters.

-- ADVERTISEMENT --