BUTUAN CITY – Gibana-banang mukabat sa kapin kon kulang 70-mil pesos ang damyos human na-abo sa kalayo atol sa pagsa-ulog sa Pasko, ang tulo ka mga panimalay sa may Purok 7, Brgy. Fort Poyohon ning siyudad sa Butuan.

Ang sunog nga gibana-banang nagsugod kaganinang alas-4:10 sa kaadlawon og nakontrola pasado alas-4:20, nadeklarang fire out paglabay sa 9-minutos, mi-abo sa pinuy-anan nila Juliet Cabredas diin naggikan ang kalayo og midamay na sa duha ka panimalay sa pamilya Yonson kondiin ang usa, gi-abandona na.

Sigon ni SFO4 Rodrigo Canton, ang usa ka semana na nga wala’y palungay na suga matud pa ang hinungdan sa pag-ulbo sa kalayo, base na usab sa iyang pag-imbestigar kang Cabredas.

Mi-abot lang matud pa kini sa first alarm kondiin unom ka mga fire trucks ang mikumbati pagpalong niini. (Beth Ruiz)

-- ADVERTISEMENT --