BUTUAN CITY – Gitumbok sa US intelligence report nga aprubado ni Saudi Crown Prince Mohammed bin Salman ang pagpatay kang exiled journalist Jamal Khashoggi niadtong tuig 2018. 

Saudi Crown Prince Mohammed bin Salman

Ang declassified report nga gipagawas sa Biden administration nagbutyag nga gi-aprubahan sa prinsipe ang planong pagdakop o kaha pagpatay Saudi exile nga nakabase na sa Estados Unidos. 

-- Advertising --

Kini ang unang higayon nga gitumbok gyod sa Amerika diha sa publiko sa  ang pangalan sa prinsipe kinsa nanghimakak nga siya ang nagmando sa pagpatay.

Human gipagawas ang report, gi-anunsyo ni US Secretary of State Antony Blinken ang gitawag nga “Khashoggi ban”, usa ka visa restriction policy batuk sa mga indibidwal nga manghulga sa mga dissidents. 

Sigon ni Blinken, ang maong restrictions gipatuman ngadto sa 76 ka mga Saudi individuals. Sukad pa kaniadto hangtud karon, hugot nga gipangulipas ni Saudi Crown Prince Mohammed bin Salman nga duna siya’y kalabutan sa maong kremin. 

Ang crown prince mao ang anak ni Saudi King Salman bin Abdulaziz al-Saud ug gikonsiderang effective ruler sa gingharian. Madumdumang si Khashoggi kinsa kritikal sa mga Saudi authorities, mibisita sa Saudi consulate sa Istanbul, Turkey diin natigayon ang pagpatay.