BUTUAN CITY – Wala’y Pinoy nga nadamay sa pagpamusil sa mga snipers nga anaa nakapwesto sa rooftops dihang ilang gipamusil ang mga nagrali kagahapon sa kadalanan sa Beirut, Lebanon.

Sa eksklusibong pakighinabi sa Bombo Radyo Butuan kang Bombo international correspondent Ernalyn Magtang direkta gikan sa Beirut, Lebanon, gipadayag niining nagkayagaw lang og kalit ang mga nagprotesta kagahapon tungod sa pagpamusil kondiin nakita na lang nila ang ilang mga ka-ubanan nga mihay-ad na sa kalsada ug nag-iyahay na og dagan tungod kay wala masayod kung asa sila angayang mutago.

Sa pagkakaron, blangko pa si Magtang kung unsa na usab nagsunod nga plano sa mga demonstrador ilabina nga kalit-kalit lang matud pang muhimo og mga kasikas ang mga Lebanese.

Tungod sa matag-karon ug unya nga kagubot sa maong nasud nga dugangan pa sa krisis, daghan na sa mga Pinoy ang nanguli na sa nasud gawas lang niadtong kaya pang swelduhan sa ilang mga amo.

Nasayrang nanawagan karon ang mga L:ebanese ngadto sa militar nga manginlabot na aron madetine na ang mga responsable dayong panawagan sa ilang mga supporters nga magpabiling kalma. 

-- ADVERTISEMENT --

Ang pagpamusil sa frontline sa 1975-90 civil war maoy tima-ilhan sa pipila ka mga ngil-ad kaayong civil war sa Lebanon sa nakalabay nga mga tuig ug nag-highlight sa nagkalawom nga political crisis subay sa imbestigasyon sa duguong pagpamomba niadtong Agusto 4, 2020 sa pantalan sa Lebanon nga mikalas og kapin 200 ka mga tawo. 

Sigon sa Lebanese army, gipunting sa mga demonstrador ang mga buto sa armas dihang milabay sila sa  usa ka traffic circle sa lugar nga nagtunga sa mga Kristiyanos ug mga Shia Muslims.

Madumdumang 219 katao ang namatay sa pagbusikad sa pier diin nakatambak ang mga pampabusikad  nga nakumpiska sa  mga otoridad. 

Gi-akusahan sa Hezbolla ug mga kaalyado niini ang judge nga bias apan uyon ang pamilya sa mga biktima sa desisyon niini. Miabot sa pila ka oras ang demonstrasyon adiser hingpit nga napakalma ang mga naglihok -protesta.