BUTUAN CITY– Padayon pang gipanubayan sa kapulisan ang nahitabong pagpamusil kagabii sa may Villa Paraiso, Brgy Ampayon ning syudad.

Sa maong hitabo, naigo sa kilid sa iyang lawas ang biktima nga nailang si Renz Basubas, 21 anyos, ulitawo ug residente sa naasoy nga lugar.

Narekober sa kapulisan ang usa ka kutsilyo nga gitoohang gipanag-iyahan sa suspek ug maoy gigamit sa pagdunggab niii.

Gani duna usab matud pa naangin nga indibidwal kansa nagbaktas lang sa dalan nga sa ka-ulahian,na-ilang si Dan Michael Baluyo, residente sa Emenville Subdivision sa Brgy. Ambago ning siyudad.  

Sa pakighinabi usab ngadto sa barkada ni Basubas, gibutyag niini nga pauli na unta ang biktima ngadto sa nasangpit nga area ug wala nila damha nga ingon niato na ang nahitabo kondiin kauban pa sa biktima ang uyab niini.  

-- ADVERTISEMENT --

Nasayran nga nakasakay sa STX motorcycle ang suspek.

Gitu-uhang hold-up ang tuyo sa mga suspek tungod kay ang unang gipusil nga si Baluyo una nang gilabnihan og cell phone apan wala ma-ilog.

Base sa iyang saysay, nakita pa niyang nagpasalba sa taas nga bahin ang suspek rason nga midagan na siya paduko ang ulo ug gitabon ang bag sa iyang likod nga maoy na-igo sa ikaduhang boto.

Dali siyang misulod sa usa ka balay dayong butyag nga tulo ka buto sa armas ang iyang nadunggan apan wala na siya’y kasayuran pa sa sunod nga mga nahitabo human nakapalayo