BUTUAN CITY – Padayon ang pagpakisayod sa kapulisan sa Butuan City Police Station kon BCPS 4 sa identity sa mga riding-in-tandem suspects nga mihimo na og sunod-sunod nga pagpang-hold up sa mga lugar nga ubos sa ilang areas of responsibility kondiin ang pinaka-ulahi mao ang nahitabo kagabii sa Brgy. Ampayon nga mibiktima sa anak ni suspended Brgy. Captain Rodencio Basubas Jr. nga si Renz Walter Basubas.

Madumdumang adiser nabiktima si Basubas, una nang gilabnihan og cell phone sa wala pa mailang mga suspek si  Dan Michael Baluyo nga taga-Emenville Sub., Brgy, Ambago ning siyudad kinsa nakadagan ug gipusil pa apan sa bag na-igo ang bala nga iyang gisalipod sa iyang likod samtang nagduko pagdagan palayo.

Sa eksklusibong pakighinabi sa Bombo Radyo Butuan, gipadayag ni  Butuan City Police Office spokesperson Major Emerson Alipit, gimanduan na ni city police director  PCol. Excelso Lazaga Jr., ang station 4 commander nga pangitaon gyod ang mga suspek aron mapanubag sa ilang nahimo ug aron dili na ma-usab pa ug dili na maghatag og kahadlok sa mga tawo.

Dugang pa ni Alipit, gipalihok na ang ilang intelligence section aron mapangita na ang mga responsable dungan sa pag-deploy sa ilang mobile patrol.

Gikumpirma sa opisyal nga hold-up ang motibo sa pagpamusil base na sa saysay sa duha ka mga biktima kinsa tungod sa ilang presence of minds, wala mulampos ang mga suspek sa ilang gihimo.

-- ADVERTISEMENT --

Subay niini, nanawagan siya sa tanang mga residente ning siyudad nga higayong duna’y ingon niini nga mga dautang panghitabo, imintina ang presence of mind aron makahuna-huna og tarong sa angayan nilang buhaton.