BUTUAN CITY – Nakig-alayon na ang lokal nga kagamhanan ning siyudad sa Butuan ngadto sa Department of Heath-Center for Health Development Caraga ug sa Regional COVID Task Force aron masayran kung unsa ang ilang baruganan kalabot sa optinal na nga paggamit og face mask.
Sa eksklusibong pakighinabi sa Bombo Radyo Butuan, gipadayag ni Michiko de Jesus, tigpamaba sa lokal nga kagamhanan nga andam nilang sundon ang desisyon unya sa nasangpit nga ahensya ug task force.
Hulaton na lang matud pa sa tanan ang ipagawas unya nga executive order ni Mayor Ronnie Vicente Lagnada tungod kay kini man a ng guidelines nga maoy angayang sundon unya sa tanan.
Sa pagkakaron, tambag sa opisyal nga mas maayong suuton na lang una sa mga tawo ang ilang face mask ilabina kung anaa sa crowded nga lugar aron maprotektahan ang kaugalingon batuk sa bisan unsa mang makatakod nga sakit.
