BUTUAN CITY – Temporaryong gisira ang business operation ug gisuspende usab sa lokal nga kagamhanan sa Surigao City ang business permit sa Unicity nga nahimutang sa San Nicholas St. sa maong siyudad tungod sa wala pagpangayo og permit sa ilang gilusad nga sale ning mi-aging adlaw.

Photo: CTTO

Base sa gipagawas nga suspension order ni Mayor Ernesto Matugas Jr., gibutyag niining ang paglusad og sale sa maong tindahan nga wala’y pagpananghid, misangpot sa pagdasok sa mga tawo rason nga wala ma-obserba ang social distancing samtang wala usab masuot og tarong sa mga tawo ang ilang face mask ug face shield.

Photo: CTTO

Kini paglapas matud pa sa Section 17 sa Executive Order No. 20-040 kansa gi-extend pinaagi sa EO-20-046 kansa klarong wala pagkooperar sa mga tawo ug mga entities aron mu-report unta o kaha muresponde ngadto sa maong health events nga duna’y public concern.

Gihatagan usab ang kadumalahan sa maong tindahan og 15 ka mga adlaw aron ipasabot ang ilang panig kung nganong dili ikansela ang business permit tungod sa maong kalapasan.

-- ADVERTISEMENT --