BUTUAN CITY – Padayon ang pag-arangkada karon sa mga sporting events human ang malampusong opening program sa 31st Caraga Regional Athletic Meet kon CRAM 2018 nga gipahigayon sa likod sa usa ka mall ning siyudad sa Butuan.

Gitambongan sa mga athleta, coaches, trainers, mga dagkong opisyales sa DepEd ug lokal nga kagamhanan ning siyudad, ang maong programa.

Sumala pa ni Elizalde Bernales, Regional Information Officer sa DepEd-Caraga, malinawon ang maong programa tungod sa hugot nga gipatumang seguridad nga gihimu sa kapulisan, kasundaluhan ug bisan sa taga disaster council.

Lakip sa gipaningkamutan nga mahatagan ug solusyun ang problema sa tubig nga problema na bisan ug wala pa ang CRAM.

-- ADVERTISEMENT --

Samtang nanghinaot kini nga walay mutumaw nga problema sa pagkalanag sa pagkaon dungan sa pahimangno nga kinahanglang mag-amping ug magmat-ngon ang tanan.

Samtang gikonsidera ni Bernales ang dakong hagit ang pag-host sa DepEd-Caraga sa maong regional meet diin ang medal tally makita sa ilang fb page.

Sigon n I Butuan City Vice Mayor Joboy Aquino, komitido ang city government nga palamboon ang mga kabatan-onan pinaagi sa mga dula, diin kinahanglang makat-onan ang sportsmanship.

Giklaro usab niini nga dapat magkataas ang performance sa mga dula tungod kay dinhi magpili ug mga players nga makigtigi sa Palarong Pambansa.

Gipasalamatan usab niini ang DepEd-Caraga nga maoy host sa kasamtangang dula diin gi-agni ang tanan nga molambigit sa mga dula sugad karung adlawa hangtud sa Marso 1. (Rolan Janea)