BUTUAN CITY – Subling giklaro sa militar nga wala’y angay sa-ulugon ang rebeldeng grupong New Peoples Army kon NPA tungod kay wala kini nahatag nga maayo ngadto sa katawhan gawas sa perwisyo .

Kini ang gipadayag ni Major Francisco Garello, ang Civil Military Operations kon CMO Officer sa 402nd Brigade, Philippine Army sa pakighinabi sa Bombo Radyo Butuan, subay na sa anibersaryo sa mga rebeldeng NPA karong adlawa Marso 29. 

-- Advertising --

Sumala ni Major Francisco Garello, ang mga kalihukan sa NPA nagtimaan lamang sa wala’y ayong nahatod nila ngadto sa komunidad sanglit sa kadugay na matod pa sa ilang mga pakigbisog, pulos kahasol ug kahadlok ang nahatod niini ngadto sa katawhan.

Dili matod pa ang angayang ipasigarbo sa NPA ang ilang annibersaryo  tungod kay bugtong lamang matud pa nilang nahatag ngadto sa komunidad mao lamang ang pagpatay, pagsabwag og kagubot, pakaylap sa kahadlok ingon man extortion activity. 

Bisan og anibersaryo pa sa NPA, gipadayag sa opisyal  nga ipadayon nila ang military operations ingon man magpahugot usab sa mga utlanan sa rehiyon aron mapugngan ang posibleng himuong pagpangatake sa mga rebelde.