BUTUAN CITY- Gibutyag sa buhatan sa National Meat Inspection Service (NMIS )Caraga nga dili pa hulga sa pagkakaron ang kaso sa African Swine Fever (ASF) ning rehiyon.

Sumala ni Dr. Bernadeth Montenegro sa National Meat Inspection Service (NMIS )Caraga, nga sa pagkakaron, wala pa’y mga natalang kaso sa African Swine Fever (ASF) sulod na sa tulo ka semana.

-- Advertising --

Nagpatigayon usab ang buhatan og surveillance aron mamonitor ang mga posibleng kaso na usab sa ASF sa mga binuhing baboy ning rehiyon.

Apan base sa gisutang slaughter house sa pipila ka mga lugar ning rehiyon dunay natala nga nagpositibo sa ASF hinungdan nga gipakusgan pa niini ang pag-monitor, contact tracing, pagsuta sa mismong hinungdan ug gigikanan sa maong dalang impeksyon ngadto sa mga baboy.  

Dili pa usab subling masulti kung hulga ba kini sa pagkakaron ngadto sa mga magbababoy ning rehiyon tungod kay mopailawom pa kini sa tryout kung ang mga bag-ong abot nga stock sa karneng baboy sulod sa mga merkado ang apektado o dili apektado sa ASF.

Gibutyag usab ni Montenegro nga mismong ang Department of Agriculture (DA) ang mohatag isyu og clearance ngadto sa mga magbababoy nga makabalik na sa pagbuhi aron masigurong wala nay impkesyon o hulga sa ASF sa mismong dapit o ba kaha kasikbit nga lugar nga gibuhian sa mga baboy.