PCTTO

BUTUAN CITY – Niresponde ang kapulisan sa Florida sa usa ka panimalay human nga nakadawat og tawag sa silingan nga nakadungog og naghilak og nangayog tabang. Pero ingon nalang ang kahimuot sa kapulisan human nga nasuta nga usa ka langgam nga periko ang nadunggan sa silingan nga nagyawyaw. 

Sumala sa Palm Beach County Sheriff’s Office niresponde sila sa report sa 911 gikan sa residente sa Lake Worth Beach kinsa nakadungog og tingog sa babae gikan sa iyang silingan nga naghilak og daw nagpakitabang. Sa recorded footage sa tagbalay makita ang nangabot nga police samtang nagrepair sa sakyanan ang usa ka lalaki diin madungog usab ang tingog nga nagsinggit singgit og “pagawas ko”.

-- Advertising --

Gilayon usab nga gikuha sa lalaki ang iyang 40 anyos nga periko’ng ginganlang Rambo og gipakita sa mga police. Nahimuot ang kapulisan tungod sa ilang nadiskubrehan diin nakighinabi pa kanila kadiyot ang periko. Gilayon usab nga nibiya ang mga police human nga nailad sa perikong gusto lang diay mugawas.