BUTUAN CITY – Padayon pa ang imbestigasyon sa kapulisan sa Tubay, Agusan del Norte aron masuta ang hinungdan sa pagpusil sa usa ka negosyante sa iyang kaugalingon hinungdan sa iyang kamatayon.

Naila ang biktimang si Noel Sabalo, negosyante sa usa ka refilling station sa Brgy. Ampayon ning siyudad.

Migawas sa inisyal nga imbestigasyon nga nag-checkpoint ang mga sakop sa 2nd Provincial Mobile Force Company pagpanguna ni LCol Rechie Yatar human nakadawat ug report nga adunay  babaye sa Misamis Oriental nga gipusil-patay kagahapon ug padulong sa Caraga Region ang misibat nga suspek.

Photo: CTTO

Milabay matud pa sa maong checkpoint ang sakyanan sa biktima kansa wala muhunong  taliwa nga gipara na kini hinungdan sa natigayong ginukdanay.

Pag-abot sa national highway sa Brgy. Sta. Ana, lungsod sa Tubay, Agusan del Norte, mihunong ang sakyanan ug milanog na ang buto sa armas apan wala mugawas ang driver ug dihang gisusi, nagkadugo na kini ug wala na’y kinabuhi human nagpusil sa iyang ulo.

-- ADVERTISEMENT --
Photo: CTTO