BUTUAN CITY- Miresulta pagkapatay sa duha ka gituohang meimbro sa New People’s Army (NPA) ug pagkadakop sa laing duha pa ang natigayon nga engkwentro tali sa militar atol sa pagpatrolya sa hilit nga bahin sa Sitio Pan-ukan, Brgy Camboayon, Bacuag, Surigao del Norte alas-3 sa hapon niadtong adlaw’ng Lunes.

Na-engkwentro sa 30th Infantry (Fight On) Battalion, Philippine Army ang dili mo-ubos sa 10 ka mga myembro sa NPA nga sakop sa grupong Sandatahang Yunit Pampropaganda 16C2 sa Guerilla Front16 sa North Eastern Mindanao Regional Committee ubos sa pagpanguna ni Alberto Castañeda alyas JD.

Milungtad og halos 25 ka minutos ang binakbakay nga miresulta sa kamatayon sa duha ka NPA nga nailang sila Richard Lampad, 40 ; Noral Bestajo, 40, parehong taga Bacuag, ug pagdakop sa laing duha pa nga nailang sila Benjie Bestajo 40 anyos kinsa samaron ug Jolito Madelo 37-anyos human gibiyaan sa mga kaubanang nag- iyahay og panibat.

PHOTO CTTO

Sumala kang PLt Charlon Montero ang hepe sa Bacuag Municipal Police Station sa pakigihnabi ning sibyaan nakuha na sa tagsa-tagsa ka pamilya ang duha ka patayng lawas sa mga rebelde samtang gitambalan sa Camp Evangelista Station Hospital sa Cagayan de Oro si Bestajo ug nakadetine usab sa Bacuag Municipal Police Station si Madelo diin gihikay na ang kasong ipasaka batok kaniya.

PHOTO CTTO

Ang mga nasangpit nga inbidwal residente lang usab sa nasangpit nga lungsod.

-- ADVERTISEMENT --

Narekober sa enkwentro ang upat ka mga tag-asa nga armas ,mga pampabusikad,medical supplies ug mga personal nga kabtangan.

PHOTO COURTESY: 30 IB PA

Ang operasyon sa militar human nakadawat og taho gikan sa mga silbyan nga adunay presensya sa walhong grupo nga nangilkil sa maong lugar.

Gipanghimakak usab ni Ka Leo De Guerra nagpailang tigpamaba NPA-Surigao del Norte nga dili sakop sa NPA ang mga namatay tungod kay mga yanong mag-uuma lamang ang matod pa ang mga niini nga nangopras niadtong tungura.