BUTUAN CITY – Naglaum ang lokal nga panggamhanan sa Butuan City nga madungangan pa ang ihap sa mga gustong magbakuna batok covid-19 human nga mi-abot na sa kapin 2,300 ka mga A3 ang rehistrado na sa ‘BakONado’ online system sa Butuan.

Kini pila ka adlaw human gi-abrihan ang maong pre-online registration sa pagpamakuna. Sa listahan sa City Health Office miabot na sa 2,360 ka mga indibidwal ang nag-pre-register na niini.

-- Advertising --

Unang giparehistro ang mga reesidente sa Butuan nga anaa sa edad nga 18 hangtud 59-anyos nga duna’y comorbidity o sakit ug paspas ang dagan niini tungod sa kapursigido sa mga Butuanon nga mabakunahan batuk COVID-19. 

Una nang gibutyag ni Michiko De Jesus ang tigpamaba sa LGU-Butuan nga gitiwas na lang og bakuna ang mga nabiling indibidwal nga anaa sakop sa A1 ug A2 alang sa second dose ug human niini gilayon sugdan ang anaa sa A3.