BUTUAN CITY – Gitin-aw ni Loreto, Agusan del Sur Mayor Ligaya Otaza nga posibleng na ‘Wow Mali’ lang ang kapulisan sa lungsod sa San Miguel, Surigao del Sur human gidakop ang lalaking gidudahang responsable sa pagdagit-patay sa iyang banang si late Mayor Dario Otaza og anak nilang si Daryl nitong Oktubre 22, 2015.

-- Advertising --

Sa eksklusibong interview sa , gipadayag sa mayor nga dili mapapa sa iyang huna-huna ang nawong sa lalaking iyang gihangyo aron buhian ang iyang mga mahal sa kinabuhi bisan nga magtulo ka tuig na sukad nahitabo ang kremin.

 

Dihang iya matud pang nakita ang nadakpang si Maximo Catarata dali niyang natumbok nga dili kini ang usa sa mga miagit sa iyang bana og iyang anak.

 

Samtang gipadayag usab ni P/Chief Insp. George Cariño – hepe sa kapulisan sa San Miguel, Surigao del Sur, nga anaa na sa pamilya Otaza kung magduso sila og affidavit nga mubakwi sa una nilang claim batuk sa suspek. (Beth Ruiz)