BUTUAN CITY- Nagpa-ulan og bomba ang militar gamit ang mga helicopter sa bukirang bahin sa P-16 Damognay, Barangay Los Angeles, ning siyudad kagahapon sa ala-una sa  hapon kansa gi-target matod pa ang mga rebeldeng New People’s Army kon NPA.

Sumala ni Barangay Kagawad Simon Cane sa pakighinabi ning sibyahan, taliwala nga 3 kilometers ang gilay-on sa gibombahan gikan  sa sentro sa Los Angeles apan dungog kaayo nila ang kusog nga buto sa bomba nga gihulog gikan sa helicopter sa militar ingon man ang mga binaluay og buto sa armas.

Sigon ni Kagawad Cane, adiser ang panghitabo aduna’y  duha ka helicopter sa militar  ang nasigpatan sa mga residente nga nagtuyok-tuyok sa maong lugar nga gisundan sa unom ka six-by-six truck nga mipadagayday sa P-16 sa maong barangay ug dinhi na matod pa milanog ang dagkong mga buto.

-- ADVERTISEMENT --

Sa pagka-karon wala pa silay nakuhang impormasyon kung adunay nadamay nga residente sa panghitabo apan aminadong nalisang ang mga residente.

Hinuon, wala pa silay nadawat nga impormasyon nga adunay namakwit ug nanginahanglang og hinanaling tabang nga mga residente dungan sa pagbutyag nga andam silang mu-atiman sa mga muhikling nga indibidwal.

Wala pay pamahayag ang militar sa maong operasyon ingon man kung adunay casualty sa ilang  panig o kaha sa NPA.