BUTUAN CITY – Magpabilin sa Modified General Community Quarantine kon MGCQ ang dakbayan sa Butuan sugod ugmang adlawa Mayo 1 hangtud 31 base na sa gi-anunsyo ni Pangulong Rodrigo Duterte.

Kini dungan sa pagdeklara sa National  Capital Region ug kasikbit nga mga lalawigan kon NCR Plus Bubble nga lugwayan pa hangtud sa Mayo 31 ang pagpa-ilawom sa maong mga lugar sa Modified Enhanced Community Quarantine o MECQ.

-- Advertising --

Apil niini ang National Capital Region, ingon man mga lalawigan sa Bulacan, Rizal, Laguna ug Cavite.

Pila ka adlaw gikan karon, magpagawas na usab og mga guidelines sa MGCQ ang lokal nga kagamhanan sa syudad sa Butuan aron magiyahan sa paglikay sa pagtinakdanay sa COVID-19 virus.

Magpabilin usab ang striktong pagsunod sa mga minimum health protocols.