BUTUAN CITY – Nagkadaghan na karon ang mga membro sa Butuan United Transport Federation kon BUTF ang nagpabakuna na sukwahi ning mi-aging mga buwan diin dul-an sa 90-porsiento sa ilang mga membro ang dili interesadong magpabakuna. Sa eksklus

ibong pakighinabi sa Bombo Radyo Butuan, gipadayag ni federation president Wilfredo Ybañez Jr. nga ang pagduha-duha sa iyang mga sakop kaniadto sa pagpabakuna, mugna sa mga kahadlok tungod sa mga nanggawas nga fake news. Karon naklaruhan na matud pa ang kadaghanan kanila sa kaayuhang makuha sa pagpabakuna rason nga daghan na usab ang interesadong magtupok.

Samtang gipadayag pa ni Ybañez nga nakapalurang sa ilang unang panawagan nga usbaw sa plitihan ang laing hugna na usab sa pagkunhod sa presyo sa produktong petrolyo kagahapon.

Apil sa milurang ang ilang panawagan usab nga tangtangon na ang value added tax kon VAT sa gasolina.

Bisan matud pa og gamay lang ang kantidad nga nakuha gikan sa tulo ka sunod-sunod nga roll back kumpara sa kapin 20-pesos na nga mi-aging mga price hike apan dako na kini og ikatabang sa ilang panginabuhian.

-- ADVERTISEMENT --

Tungod niini, daghan pa gihapon sa ilang grupo ang magpatubil sa mga gasolinahan nga mas barato ang presyo sa ilang produktong petrolyo kaysa uban.

Karong ubos na sa alert level 2 ang dakbayan sa Butuan  kondiin lu-ag na og gamay ang gipatumang restrictions, mala-umon ang ilang grupo nga magpagawas na og kamanduan ang city government alang sa pagdugang na unya sa ilang ikargang mga pasahero.