BUTUAN CITY – Gibasol sa mga supporters ni US President Donald Trump ang mga media networks sa Estados Unidos nga nag-cover sa dagan sa hagpatay sa balota, ang pagdeklara na nila kang Joe Biden nga midaog sa eleksyon sa Arizona state.

Kini taliwa nga gamay lang ang labaw ni Biden sa mga nakuhang boto ni Trump hinungdan sa pagsugod na og tapok sa mga supporters ni Trump.

-- Advertising --

Sa eksklusibong pakighinabi sa Bombo Radyo Butuan sa Cagay-anong si Haidee Bongcawil direkta sa Arizona, gibutyag niining paglabay lang og tulo ka oras human gisira ang ilang polling center, gideklara gilayong mananaog  si Biden taliwa nga 2.8-milyunes ka mga boto pa ang na-ihap gikan sa 4.3-milyunes ka mga rehistradong botante sa Arizona.

Sigon ni Bongcawil, kini nga panghitabo naghatag na og kagubot sa social media ug hinuon wala pa nakamugna og riot  sa ilang estado.

Dugang pa ni Bongcawil, sa nakalabay’ng tulo ka mga eleksyon ang mga Republican candidates ang nangdaug sa Arizona tungod kay red state na kining daan ug karon lang nga eleksyon nga gideklarang daug ang Democrats.

Posible matud pa nga nadala lang ang mga tawo sa pagpangdaut sa media kang Trump ilabina dihang na-igo sila sa COVID-19 taliwa nga duna’y gihimo si Trump. Wala matud pa sila’y madunggan nga maayong publicity alang kang Trump kondili pulos pagpangdaut lang tungod kay mas gipaboran matud pa nila ang Democrats.

Nakadugang usab sa boto ni Biden ang mga taga-California nga namalhin sa Arizona tungod sa nagkamahal nilang palaliton.