BUTUAN CITY – Gi-atangan karon sa katawhan sa Estados Unidos kung unsa’y buhaton ni US President Joe Biden aron mahi-usa ang nagkabahin-bahin karongkatawhan tungod kay hangtud karon, nagpabilin pang divided ang katawhan sa maong nasud tungod kay daghan pa gihapon og mga supporters si Trump nga makita sa online pinaagi sa pag-react ug pagkomento higayong duna’y mga balita kalabot kang Biden kansa suphon usab sa mga supporters niini ug vice versa.

Sa eksklusibong pakighinabi sa Bombo Radyo Butuan, gipadayag ni Ferdinand Nakila, lumad nga taga-Cabadbaran City ug atua na nagtudlo ug nagpuyo sa Amerika, karon lang matud pa nahitabo nga lahi kaayo ang dagan sa ilang eleksyon karon tungod kay grabe ka-divided ang mga tawo tungod sa mga trash-talking ilabina nga grabe ang away sa social media sa mga posts bisan sa mga cable networks diin magtinubagay ang mga supporterssa duha ka mga lider.

-- Advertising --

Hinuon, mamatikdan nga bisan sa pagsugod pa lang ni Biden human nanumpa sa katungdanan, makita na ang iyang tinguha alang sa kahi-usahan human kini mipasalig nga siya ang pangulo sa tanang Amerikano, misuporta man kaniya sa eleksyon o wala.

Niini matud pa nga pamahayag, maglisod pag-atake ang mga Trump supporters apan dako gihapon ang pagtuo ni Nakila nga bisan unsa pa man nga kaayuhan ug mga maayong plano nga himuon sa bag-ong presidente, pangitaan gihapon kini og buslot sa mga supporters sa kanhi presidente.