BUTUAN CITY – Padayon pang giplastar sa lokal nga kagamhanan ning siyudad sa Butuan ang Safe, Swift and Smart Passage kon SPaSS nga maoy kinahanglang ipresentar niadtong gustong musulod ning siyudad gikan sa gawas sa Caraga Region.

Sa eksklusibong pakighinabi sa Bombo Radyo Butuan, gipadayag ni Butuan City government spokesperson Michiko de Jesus nga gibase kini sa resolution nga gipagawas sa Regional Task Force o RTF aron mapugngan ang padayong pagsaka sa mga kaso sa COVID-19 ilabina nga ania sa siyudad ang usa sa mga entrances ning rehiyon pinaagi sa Bancasi Airport.

-- Advertising --

Gipasabot sa opisyal nga ang S-PaSS, usa ka online travel management system nga gi-institutionalize sa National Inter-Agency Task Force pinaagi sa Resolution 101 aron mahimong one-stop-shop ug hapsay ang koordinasyon sa mobyahe ug sa LGU nga adtuan. K

ung buot mobyahe pasulod ning siyudad gikan sa gawas sa Caraga Region, magkuha una og S-PaSS online ug i-attach dinhi ang negative RT-PCR o Rapid Antigen test result nga gikuha sulod sa 5 ka adlaw sa pagbyahe o kaha ang Full Vaccination Card nga apilan sa bisan unsa mang government-issued ID.