BUTUAN CITY- Mamahimo nang makasulod ang mga nag-edad og 18-anyos paubos sa mga establisamento basta adunay kauban nga ginikanan.

Kini ang usa sa mga bag-ong guidelines nga nakalatid sa gipagawas nga dugang tamdanan sa Local nga paggamhanan sa syudad bahin sa Alert Level 2 nga gipatuman pinaagi sa Executive Order No. 55.

Lakip pa sa mga nakalatid sa maong EO ang pagtugot sa pagpalit og ilimnong makahubog ug ang pag-inom niini sulod sa balay, kinahanglan lang adunay physical distancing.

Wala gitugutan ang pag-inom og makahubog nga ilimnon sa public ug commercial nga mga lugar apil na sa moving o naka-park nga sakyanan.

Photo: Butuan City PIO

Gipatuman usab ang Curfew Hours gikan sa alas 12:00 sa tungang gabie hangtod 4:00 sa buntag.
Alang usab sa Entry Conditions, kung nag-edad 12 pataas ug gikan sa gawas sa Caraga Region kinahanglang mokuha og S-PaSS ug maghatag niani: ID , RT-PCR o Rapid Antigen Negative Test Result o Full Vaccination Card.

-- ADVERTISEMENT --

Alang sa Contact Sports kinahanglan ang mga mangduwa ug mga manan-away kinahanglan magpakita og full vaccination card diin ang organizers kinahanglan mokuha og rekomendasyon sa barangay ug permit gikan sa Business Permits and Licenses Division.


Alang usab sa kid Amusement Industries sama sa playgrounds, playroom ug kiddie rides moabre na sa 50% nga kapasidad kung indoor ug 70% kung outdoor.

Kinahanglang fully vaccinated ang mga nag-edad 18 pataas.