BUTUAN CITY- Mamahimo nang makasuroy sa sikat nga surfing site sa Siargao Islands ang mga menor de edad, mga adunay comorbidties, buntis, ingon man ang mga nag-edad og 66-anyos pataas.

Base sa Memorandum Order No.21-225 nga gipirmahan ni Surigao del Norte Governor Francisco Matugas, mamahimo nang pasudlon o dawaton ang mga turista basta naggikan lang sa mga lugar nga ubos sa General Community Quarantine (GCQ) ug Modified GCQ.

Photo: CTTO

Bawal una ang mga maggikan sa lugar nga anaa sa MECQ o Modified Enhanced Community Quarantine.

Pamatud-an lamang sa mga katigulangan, buntis ug mga adunay comorbidities nga sila fully vaccinated na. Samtang ang mga regular tourists, ‘Balik-Surigaonon’, ug mga Authorized Persons Outside Residence kon APOR,  kinahanglang adunay mapakita nga negative result sa RT-PCR o kaha saliva test.

Photo: CTTO

Gawas niini dapat nakakuha usab sila og S-pass ingon man travel certificate permit gikan sa gigikanang lungsod o syudad.

-- ADVERTISEMENT --