BUTUAN CITY- Gitugutan nang makasuroy sa sikat nga surfing site sa Siargao Islands ang mga menor de edad, mga adunay comorbidties, buntis, ingon man ang mga nag-edad og 66-anyos pataas.

Base kini sa Memorandum Order No.21-225 nga gipirmahan ni Surigao del Norte Governor Francisco Matugas, nga mamahimo nang pasudlon o dawaton ang mga turista basta naggikan lang sa mga lugar nga anaa ubos sa General Community Quarantine (GCQ) ug Modified GCQ.

Apan bawal una usab ang mga maggikan sa lugar nga anaa sa MECQ o Modified Enhanced Community Quarantine.

CTTO

Kinahanglan lamang sa mga katigulangan, buntis ug mga adunay comorbidities nga pamatud-an nga sila fully vaccinated na pinaagi sa pag-presenta og vaccination card.

Samtang ang mga regular tourists mga mubalik Surigao’, ug mga Authorized Persons Outside Residence kon APOR, kinahanglang adunay mapakita nga negative result sa RT-PCR o kaha saliva test.

-- ADVERTISEMENT --

Gawas niini dapat maka-secure usab sila og S-pass ingon man travel certificate permit gikan sa gigikanang lungsod o syudad.