BUTUAN CITY- Naka-adjust na matod pa ang mga magtutudlo sa Caraga Region sa pagpatuman sa blended learning alang sa pag-abri sa  klase sa bag-ong School Year 2021-2022 nga magsugod ugmang adlawa Lunes, Septembre 13.

Sa pakighinabi sa Bombo Radyo Butuan, gibutyag ni Peter Tecson tigpamaba sa  DepEd-Caraga, nga ubay-ubay ang ilang gihimong seminar ug activities sa mga magtutudlo ning rehiyon aron mas mapaayo pa ug mahimong epektibo ang pagtudlo ngadto sa mga  kabtaan taliwala paman sa nasinatiang covid-19 pandemic.

-- Advertising --

Sigon ni Tecson niadtong Enero pa lamang ning tuiga nagsugod na sila sa pagprepara ug evaluate sa mga ginahimo sa nakalabay nga school year aron masuta kung unsa pa ang mamahimong i-improve sanglit tataw nga nakurat ang tanan dili lamang ang mga magtutudlo kundi ingun man mga bata sa gipatuman nga blended learning.

Gipasalig niini nga naka-adjust na ang mga magtutudlo ug nasayod  matod pa sila kung unsang “approach “ ang buhaton alang unya  sa mangtumaw nga problema sa pag-abri sa klase.

Gidugang sa opisyal nga  usa usab sa gi-tutukan nila sa preprasyon ang unod o content diha sa mga lesson o mga modules alang sa mga bata kansa gi-modify aron mas maka-response ang mga bata diha sa ilang pagtunghay luyo paman niini ning nasinating pandemya.