BUTUAN CITY- Gibutyag sa Department of Health Center for Health Caraga nga nakita na nila ang pag-kunhod sa mga nadugang nga kaso sa Coronavirus disease 2019 sa rehiyon.

Sumala kang Dr. Glee Valenzona Medical Officer IV sa DOH-Caraga sa pakighinabi ning sibyahan, gibutyag niini nga nabantayan nila ang pagsugod og kunhod sa kaso niadtong Oktubre 16 ,2021 apan subling nakita ang pagsaka sa kaso niadtong Oktubre 20 ning kasamtangan tuig.

Apan kung sumadahon mas taas na gayod hinuon  ang nakita nilang pagkunhod sa mga kaso taliwa nga adunay mga adlaw nga taas ang ihap sa mga madugang nga natakbuyan sa virus.

Tungod usab niini nakita na sa buhatan ang pag-ubos sa Average daily attack rate kon (ADAR) sa Covid-19 sa rehiyon.

Sigon ni Dr.Valenzona posibleng resulta na matod pa kini sa padayong pagtuman sa mga tao sa  mga lagda sa pagbatok sa virus ingon man ang pagtaas sa ihap sa mga illegible  individual  nga nagpabakuna.

-- ADVERTISEMENT --

Taliwala paman pa usab niini gibutyag ni Dr. Valenzona nga dili pa nila ma-ingon kung kini na ba ang tinuod nga pagkunhod sa mga kaso sa virus sa rehiyon tungod kay padayon gihapon ang ilang monitoring niini sanglit aduna gihapon adlaw nga taas ang matalang kaso sa virus.

Ma-konsidera lamang matod pa nila kini kung  aduna nay igong panahon  partikular na kung sulod sa kapin duha ka semana sunod-sunod ang matalang ubos nga kaso.

Alayon niini positibo ang opisyal nga padayon nang mulurang ang ihap sa mga madugang kaso sa rehiyon kung magpadayon usab nga mutuman ang mga tao sa panawagan sa mga hingtungdan sa pagbatok sa virus pinaagi sa pagsunod sa  mga health protrocols ug labaw sa tanan ang pagpabakuna