BUTUAN CITY – Mas gipahugtan karon sa lokal nga kagamhanan ning siyudad sa Butuan ang monitoring sa mga tugpahanan, pantalan ug uban pang mga entry points ning siyudad aron masegurong luwas gikan sa bag-ong variant sa COVID-19 ang mga manulod gikan sa nagkada-iyang bahin sa nasud ilabina kadtong gawas sa Caraga Region.

Photo: CTTO

Sa eksklusibong pakighinabi sa Bombo Radyo Butuan, gipadayag ni city government spokesperson Michiko de Jesus nga ang tanang mga returning overseas Filipinos kon ROFs, i-quarantine gihapon pag-abot dinhi sa Butuan bisan og nahuman na siya og 14 ka adlaw nga quarantine gikan sa lugar diin mitugpa o kaha midunggo ang ilang gisakyan dinhi sa Pilipinas.

-- Advertising --
Photo: CTTO

Gipasabot ni de Jesus nga tumong lang niini nga ma-trace ang mga tawong ilang naka-close contact ilabina kung gikan sila sa mga nasud nga duna’y kaso sa bag-ong variant sa COVID-19.

Hinuon ang mga magnegatibo sa swab test human sa ilang quarantine period, napulo ka adlaw na lang nga i-quarantine dinhi sa Butuan.