BUTUAN CITY – Gitigom sa mga personahe sa Business Permits and Licensing Division (BPLD) ning siyudad sa Butuan ang mga beach owners sa Barangay Masao, aron paghangyo ug pagpahinumdom nga ibalik na nila ang pag-obserba sa Covid protocol sa pagdawat sa mga mangaligo og dagat.

Gipangunahan kini ni BPLD Chief Atty Moshi Ariel Cahoy kondiin ilang gisusi ang plastada sa mga beach resorts sa ingon masuta kung aduna ba’y ilang mga beach marshalls nga maglibot libot matag-karon ug unya.

-- Advertising --

Gipasabot sa BPLD ang kamahinungdanon sa health protocols labi na kay gataas ang kaso sa nataptan sa Covid19 sa syudad.

Gipahinumduman usab ang mga beach resorts owners nga mosunod sa health protocols sama sa pag-log book sa mga bisita nga modagsa sa ilang resort alang sa contact tracing, pahinumdoman ang mga mangaligo sa kanunay pagsul-ob og face masks, sundon ang social distancing ug dili mag-inom sa cottage kay gikonsidera man kini nga public places gawas lamang kung anaa ka nag-inom sulod sa balay.