BUTUAN CITY – Wala bisan sa huna-huna man lang sa usa ka medical technologist gikan sa Adela Sierra Ty Memorial Medical Center sa Tandag City sa Surigao del Sur nga mag-viral sa social media ang iyang tinguha lang nga matapos niya ang nagpadayong laboratory test adiser mihikling gikan sa ospital human mi-ulbo ang kalayo gikan sa kasikbit nga dakbalay kagabii.

Photo: CTTO

Sigon sa uploader nga si Stefan Balani, nahitabo kini pila ka gutlo lang human sa iyang duty kondiin nakita niya ang iyang isog nga ka-uban nga mas gipiling magpabilin ug ipadayon ang pag-cross match sa dugo alang sa usa ka bag-uhay pa lang natawo nga pasyente.

-- Advertising --

Sigon ni Balani, ang tinuod nga ‘call of duty’ aron makaluwas sa kinabuhi sa uban, ang hinungdan nga wala mudagan ang iyang ka-ubang medtech nga si Jeia Guingue kinsa mikuha lang sa iyang bag apan wala biyai ang iyang trabaho.

Photo: CTTO

Sigon ni Balani, nasayod si Guingue nga kinahanglang ipagawas gilayon ang resulta sa test alang sa bag-uhay pa lang natawong bata ilabina nga taas ang proseso sa cross-matching ug gikinahanglan kini sa pasyente ilabina nga dili pwedeng masayop sa pag-abono og dugo.

Sa eksklusibong pakighinabi usab sa Bombo Radyo Butuan, gipadayag ni FO3 Eric Masangcay sa Bureau of Fire Protection kon BFP-Tandag City, nga wala maratol si Guingue dihang nakita nga ang complex lang nga parte sa ospital ang nasud rason nga luwas usab nga natapos niini ang iyang trabaho.