BUTUAN CITY – Epektibo na karong adlawa, Lunes, Enero 25, ang Executive No. 21-003 series of 2021 nga magp-ailalom sa Modified Enhanced Community Quarantine kon MECQ sa lungsod sa Dapa, Surigao del Norte hangtod sa Enero 29 ning tuiga tungod sa nagkataas nga local transmission sa COVID-19 nga natala sa isla sa Siargao, Surigao del Norte kondiin 16 sa aktibong kaso ang nagsumikad sa Dapa.

Sulod sa lima ka adlaw nga pagpa-ilalom sa Dapa sa MECQ status, gidili ang mga paglawig sa mga sakyanang pangdagat pa-ingon sa ubang munisipalidad sa Siargao ingon man ang pasulod sa maong lungsod samtang ipatuman usab ang striktong health measures ngadto sa ubang munisipalidad sa isla aron masigurong luwas ang tanan ingon man ang pagdili sa pagawas sa mga residente bisan ang mga muadto sulod sa lungsod sa Dapa gawas lamang niadtong mga mahinungdanong katuyu-an sa gawas.

-- Advertising --

Limitado usab ang pag-lihok lihok sa mga residente sa nasangpit nga munisipalidad paingon sa ilang trabaho.

Tungod niini pabiling nakalatid sa maong EO nga padayong sundon ang usa ka metro nga distansya kung mugawas sa balay, perming pagsuot sa facemask,ingon man face shield.

Temporaryo usab nga gipatuman ang No Sail Policy alang sa mga de-pasayruang sakyanang pandagat gawas lamang sa mga cargoes nga duna’y kargang mga essental goods.

Ipatuman usab ang istriktong COVID-19 measures sa tanang mga lungsod sa Siargao Island.