BUTUAN CITY – Usa ka batan-ong scientist gikan sa Iloilo City ang nag-viral human niya nadiskubrehan ang mga properties sa prutas nga Aratiles kon mansanitas nga makatambal og diabetes.

Pipila ka mga discoveries na ang nahimo sa mga scientists gikan sa Iloilo ning nakalabay lang.

Sa natad sa medisina, usa ka bag-ong posibleng tuburan sa antibiotic ang napalgan sa ocean floor sa kadagatan sa Iloilo. Nadugang na niini ang mga discoveries sa medicine field, sa usa ka 16-anyos nga scientist kinsa midala sa iyang discovery ngadto sa 2019 Intel International Science and Engineering Fair kon ISEF nga gipahigayon sa Phoenix, Arizona, USA.

Ang batan-ong scientist nga si Maria Isabel Layson sa Iloilo National High School, apil sa Special Science Class. Usa siya sa mga mananaog sa 2019 2019 National Science and Technology Fair kon NSTF niadtong Pebrero og apil sa 12 ka mga representante sa Pilipinas aron mu-compete sa pinakadakong pre-college science research competition sa kalibutan.

Ang Department of Education kon DepEd maoy nag-host sa send-off ceremony, kondiin usa si Layson sa mga gi-ilang indibdiwal sa Gokongwei Brothers Foundation Young Scientist Award. Gipadayag ni Layson nga ipadayon niya ang pagtuon sa maong sakit human nasayrang usa kini sa mga nag-unang hinungdan sa kamatayon dili lang sa Pilipinas kondili sa tibuok kalibutan.

-- ADVERTISEMENT --

Nakakuha sa atensyon sa batan-ong scientist ang mga mansanitas dihang nabantayan niyang nagkatag lang kini sa yuta. Ang maong prutas puno sa anti-oxidants.