BUTUAN CITY – Padayon pa ang imbestigasyon sa kapulisan mahitungod sa usa na usab ka lumad gikan sa tribong Mamanwa ang walay kalooy nga gipatay sa gitoohang rebeldeng New People’s Army kon NPA kagahapon sa alas 3:20 sa hapon sa may Sitio Libas, Barangay Sibahay, Lanuza, Surigao del Sur.

-- Advertising --

 

Gi-ila ni Datu Rico Maca, Municipal Chieftain sa lungsod sa San Miguel sa maong probinsiya, ang biktima nga si Nestor Trinidad, 49-anyos, menyo og usa ka sulogoon sa opisina sa municipal tribal chieftain.

 

Base sa iyang nadawat nga balita gikan sa kumunidad, mga rebelding NPA ang mipusil sa biktima sa makadaghang higayon gamit ang kalibre 45 nga pistola.

 

Hugot matud pa nila kining gikondena dungan sa panghinaot nga magpagawas og pamahayag ang walhong grupo aron mahibal-an kung unsay rason nganong ila kining gipatay.

 

Apan nagtoo kining susama sa pagpatay nila kang Dato Bobong Elizalde sa tribong Manobo ning bulana lang, dili sila magpagawas og pamahayag tungod kay wala man silay bug-at nga rason aron kutlo-an sa kinabuhi ang mga biktima.

Tungod sa maong panghibato, gipahayag ni Datu Maca nga wala mahadlok ang mga lumad hinoon nisamot kini kasuko sa NPA nga walay laing mahimo kundi ang pagpatay sa mga tawong nahigmata na sa kamatooran og midapig na sa gobyerno.

 

Sumala pa niini, nga ang sundalo lang ang nagprotekta kanila samtang gipa-away-away usab sila sa rebelding NPA.

 

Gipananglitan niini ang gihimu sa MAPASU nga migamit ug taktikang bakwit diin giilad ang mga lumad nga duna matud pay mahitabong giyera tungod sa mga sundalo sa ilang lugar, hinungdang misugot ang mga niini nga mohikling. (Rolan Janea)