BUTUAN CITY- Napahiluna na sa usa ka punerarya ang usa ka magtutudlo human kini nakabsan og kinabuhi dihang mibangga sa plastic barrier ang gimanihuan niining motorsiklo diha sa super highway Brgy. Lemon ning syudad sa Butuan alas 8:55 kagabie.


Naila ang biktima nga si Aldrin Burato Lopez hingkod ang pangedaron ug kasamtangang nagapuyo sa Brgy. Kinabjangan sakop sa Lungsod sa Nasipit Agusan del Norte.


Sa impormasyon, samtang nagsubay ang biktima sa superhighway kalit lamang kini nawad an og kontrol tungod kay kusog-kusog matod pa ang dagan ug ngitngit ang naasoy’ng dapit hinungdan nga mibangga sa plastic barrier ang gimanihuan motorsiklo particular sa nagapadayon nga giconstruct nga dalan sa lugar.

Nahulog pa ang motor niini sa wala pa mahuman nga dalan nga miresulta sa grabeng bun og ug samad nga naangkon.


Nadaa pa kini sa balay tambalanan apan wala na kini natabang pa.

-- ADVERTISEMENT --