BUTUAN CITY- Mitahan sa kapulisan sa Agusan del Sur ang magtiayon nga meimbro sa New Poeple’s Army, human ang pila ka tuig nga pag-apil sa lahi-lahing terroristic activities sa maong grupo.


Giila ni Brig. Gen. Romeo Caramat Jr., director sa Police Regional Office 13 (Caraga), ang magtigayong NPA nga sila alyas “Amad/Saijie”, 34, ug “Nam/Xian”, 33, kinsa mga sakop sa North Central Mindanao Regional Committee (NCMRC).
Gisurrender usab sa magtiayon sa otoridad ang usa ka M-16 rifle.

Sumala kang Brig. Caramat Jr.,lider si Amad sa Squad 1 sa Sentro De Grabidad Compaq sa NCMRC samtang si Nam ang kanhi secretary ug political officer sa Guerilla Front 4A (GF-4A), Sub Regional Command 3 (SRC-3) sa NCMRC.

Photo: PRO13


Gikonsiderang karon ang Guerilla Front 4A nga nadismantle na human ang taas nga leader sa mga niini uban sa laing 15 ka mga NPA ang napatay sa engkwentro tali sa militar sa boundary sa Agusan del Norte ug Misamis Oriental niadtong 2020.


Madumdumang gawas sa Pilipinas gikonsidera na usab sa United States, the European Union, the United Kingdom, Australia, Canada, ug New Zealand, nga terrorist organization ang CPP-NPA.

-- ADVERTISEMENT --